Kuch unjaane log

Kuch alg hi ehsaas hota hai kisi ke hone ka. 

Koi ho jo hath pakde, uske sath beth ke hum vo sb keh sake jo khud se kehne mai bhi sharm aati hai. Use dekh ke muskurane ka mann kare, or jb 

vo mile toh bus haste hasate hi waqt 

bit jaye. Koi ho jo jina haram kare tumhara, naak me dum kar de. Vo rishta kya hai mujhe ye nahi pta, par vo rishta hai mere pass. Kabhi ye rishta lehro ki trha aata jata hai toh kabhi vo rishta samundar ki ret ki trha zindagi ke kinaro pe hi reh jata hai. Kabhi vo rishta ese hi kisi ke sath bann jata hai, toh kabhi vo rishta hi jeene ki vajah bann jata hai.

Kabhi hum bus sochte reh jate hai toh kabhi kuch socha hi nahi jata. Kyu btau uske baare mai jis rishte ka naam hi nahi, par btana chahta hu  kyuki vohi ek rishta hai jisse mera naam abhi  tk hai. Din bete hai saal biti hai par kahaniya humne bhi khoob likhi us rishte ki chah mai. Zindagi beet toh jayegi is chah mai ki ek naya anjana rishta fir bann jayega, par vo hasi ka shor is sannate mai kese aayega.

                                                                                                     

Suna krta tha jinko mai vo aaj kahi durr ja chuke hai, par mene fir bhi is dil ko dhadkna sikha diya. Waqt bita or  zindagi apni hi masti mai chalne lagg gai, kabhi kabhi yad kr lia krte the unhe jo aakho mai ab nahi hai. Ab jab sab boht dur hai toh yad sbki aati hai, kya kare bus dikha skte hai hum unko ke unki dosti hi itni pyari hai ke aakele mai bhi hasi aa jati hai. Such hai ye ke sath unka boht hi hasin tha, par ek such ye bhi hai ke vo ab sath nahi. Kuch such itne kadve ho jate hai ke fir chote se palo ki mithas bhi achi nahi lagti.  Ek aasu hota hai aakho mai par unke na hone ki kadvaht itni hoti hai ke vo aasu nikalte hi nahi. Zindagi chale toh bhi dukh hota hai or kahi kisi pal pe aa ke ruk jaye toh jine ka mann hi nahi karta.

Kai log ese bhi milte hai jinke hone ka ehsaas ho toh hi jine ka maza aata hai, ek pyaari c muskan toh de dete hai vo, par bichadne ke baad usi muskan ko khojne mai zindagi beet jati hai. Mosm badlte hai har saal, logo ko khub acha lagta hai, par mosm ke sath jb log badlte hai toh kisi ko ache nahi lagte. Haan ek such mera bhi hai in kahanio mai jo sb ke such jesa kadva hi hai. Haan ek aasu mera bhi aakho mai jo har dard jesa hi gehra hai. Sawal mera kisi se nahi khud se hai ke ye aasu kyu hai abhi bhi in aakho mai kisi ke na hone ka. 

Gilheri

Aya hu jis desh se me, pyaar ka desh kehte hai use. 

Aya hu jis desh mai me, sapno ka jaha kehte hai use. 

Aya tha jb yaha toh me khush tha boht, ke dost naye

milenge. Zindagi ko vo de sakunga jo zindagi ne socha

nahi. Dost mile kai, par waqt or padai ne mujhse vo 

savera bhi chin lia. Ghar bethta likhta-padta kabhi 

kabhi tasvire khich lia krta tha. 

Ghar ke samne ek ped tha jispe ek Gilehri raha krti thi, khelti-khudti chadti-utrti boht sharart kia krti thi. Naam jane kya tha uska, par dalia-patiya tod ke apna ghr bnaya krti thi. Tasvir leta tha me uski, or vo itra ke pose dia krti thi. Baat kabhi hui par dost ban chuki thi vo. Waqt bita or hum dost bane, kabi me to kabhi vo ese hi bevajah hass dia krte the.Naam nahi pta tha, par ek rishta tha usse. Waqt bita padai or waqt ke andhere ne mujhse vo dost hi chin lia.




Mosm badla or aya mosm dosti se pyaar ka, mosm khushi ka, mosm ghr bethe pakode khane ka. Barish aayi apne sang kuch nahi, bus na mangi khushio ka pal lai. Kabhi kabhi dekh lia krta tha use bhi me. Vo barish mai or bhi kehlti, kabhi uper ped pe ja
ke masti krti, to kabhi niche ja ke puch se bunde batora krti thi. Mosm ke sath me bhi badla raha tha, par pta nahi chala.




Fir Waqt bita, mosm bdla or is bar aya mosm sardi ka. Brf dekhi pehli bar or duniye ke sare rang jese pighal ke
safed ho gaye. Khel khud mai baji mari. Kabhi gola bnaya toh kabhi gudda barf ka. Par kitne ghr us barf mai chup gaye ye us khushi ko kha pta tha. Haan 1 mere apne ka ghr tha jo
us safed khushi mai deh gya tha. Aya toh tha ye mosm khushi dene par kitno ko gum de gya tha. ek sham betha tha jb me tasvire le raha tha, toh meri nazar us ped pe padi. Dost mera
tha na vaha pe, kahi betha thitur raha hoga. Soch meri gayi kaha pe me barf ke rango se khel raha tha or vo unhi rang ko koss raha hoga. Ghar nahi tha, khushi nahi thi par mujhe uske
zinda rehni ki aas thi. Khora meri zindagi mai nahi, is zindagi mai toh sb kuch khass hai. Par udhar hai zindagi pe shayd uska jo dur hai, par is dil ke pass hai. Aakho mai hai vo par use dekh nahi skta, par is aakho ko usi ki talash hai.

Kohra

Ek aasu baha hai aaj fir in aakho se socha aaj jo mila nahi use waqt ke panno mai ked kr lu. Jo gum tha mera vo waqt ke sath khub mila, sath khela mere par fir bhi na tha us gum se mujhe gila. Waqt ki roshiniyo ne kb jaga diya pta hi nahi chala.

Zindagi thi toh ek kohre c, sb thik tha par khud pe kabhi vishvas nahi hota tha, Khora gya toh par aakho mai boht c apni boonde chod gya. Aaj akela hu toh pta chalta hai ke aakho mai pani toh boht hai par ek asha or pyar ki pyaas se gala sukh chuka hai. Andhera hua nahi thoda ujala hai abhi, par darr lagta hai kuch der mai andhera ho hi jayega.

Waqt bitega sari raat agle ujale ke liye, par fir darr lagta hai ke ujale se pehle vo khora
fir ayega....